Shqipëria paraqitet si një “demokraci me të meta” në indeksin që revista The Economist ka publikuar sëfundmi në lidhje me vitin 2023.
Vendi ka humbur një pikë krahasuar me vitin 2022, por paraqitet më mirë krahasuar me tre vite më parë duke dalë nga lista e vendeve të cilësuara si “regjim hybrid” ku ishte në 2028.
Vendi ndodhet në pozicionin e 66 në listën me 167 vende të vlerësuara nga The Economist, ndërkohë që paraqitet dy vende poshtë Serbisë dhe një vend poshtë Ganës.
Sa i përket vendeve të tjera të rajonit, Maqedonia e Veriut listohet në pozicionin e 72 duke u cilësuar një “regjim hibrid”, kurse Mali i Zi, ka fituar shumë pozicione gjatë viteve të fundit, sërish paraqitet në vendet e sipërme (52).
Nga ana tjetër, Turqia listohet në vendin e 102 shumë pranë kufirit të “regjimeve autoritare” .
Përmirësime të ndjeshme ka bërë Greqia në rajonin tonë, e cila është futur në listën e vendeve të cilësuara “demokraci” pas më shumë se një dekade që kishte zbritur nga froni, raporton Vizionplus.tv.
The Economist bën me dije se gjatë viteve të fundit ka patur një përkeqësim të treguesve të indeksit të demokracisë, pasi në shumë shtete kanë ardhur në fuqi liderë autoritarë dhe populistë, ndërkohë që lufta në Ukrainë dhe tensionet Kinë-SHBA kanë ndikua rajonet respektive.
Në krye të listës si “demokraci” të mirëfillta janë vendet e Europë veriore si Norvegjia, në vend të parë, Islanda, Suedia, Danimarka, Finlanda. E dyta në listë është edhe Zelanda e Re. Ndërkohë, SHBA paraqitet në vendin e 29 duke u lënë pas nga shumë vende të BE dhe Izraeli.
