Autori i vrasjes së familjarëve në Itali Giovanni Barreca ishte i bindur se familja e tij ishte e pushtuar nga djalli dhe për këtë arsye iu drejtua një ekzorcizmi. Ky dyshohet se ka qenë motivi pas masakrës në Altavilla Milicia, në provincën e Palermos, ku një 54-vjeçar vrau gruan e tij 31-vjeçare dhe fëmijët, dy djemtë, Kevin, 16 vjeç dhe Emanuelin, 3 vjeç. Vajza 17-vjeçare e çiftit u shpëtua dhe u gjet nga policia në një gjendje konfuze. Ishte ajo që tha se babai i saj u ngrit në mes të natës, duke thënë se ishte djalli në shtëpi.
Krimi daton në natën e së premtes dhe të shtunës dhe të dielën në mbrëmje u arrestua burri, i cili kishte lajmëruar policinë dhe kishte rrëfyer çdo gjë, pasi ishte arrestuar në qytetin e afërt të Casteldacciasj. Trupi i gruas, Antonella Salamone, u gjet i djegur në kopshtin e shtëpisë së saj. Rituali i ekzorcizmit kishte qenë i një dhune të paprecedentë, teksa dy djemtë janë mbytur me zinxhirë.
Vrasësi besohet të jetë një fanatik fetar, i cili i përkiste komunitetit ungjillor lokal dhe torturoi fëmijën e tij më të vogël, vetëm tre vjeç, përpara se t’i merrte jetën. Nga sa rezultoi, familja ishte në vështirësi të rënda ekonomike dhe burri dyshohet se e ka keqtrajtuar gruan e tij, me origjinë nga Novara, 31 vjeçe.
Burri akuzohet për vrasje të trefishtë dhe keqtrajtim të një kufome. Gjithashtu u arrestuan edhe një çift, të afërm me familjen ku ndodhi tragjedia, nga Palermo, të cilët me sa duket ndanin fanatizmin e tyre fetar dhe luajtën një rol aktiv në masakër. Hetimet koordinohen nga prokuroria e Termini Imerese, drejtuar nga Ambrogio Cartosio.
