Shkroi Soni Salihi
Sot u zhvilluan 3 takimet e para të javës së 23 të Abissnet Superiore ku fokusi kryesorë ishtë pikërisht tek derbi i kryeqytetit, Dinamo-Partizani që përfundoj me rezultatin 2-1 në favor të “dinamovitëve” kurse ndeshjet e tjera ishin Egantia-Laçi që u mbyll në barazim 0-0 dhe Vllaznia-Teuta ku shkodranët arritën të fitonin 2-1.
Ishte një ndeshje e çmendur në “Niko Dovana” ku skuadra e Dinamos arriti të përmbys gjithçka dhe ti marrë fitoren “demave të kuq”. I pari që realizoj ishte sulmuesi Mba në minutën e 10” të lojës duke i dhënë epërsinë miqve.
Në pjesën e dytë të lojës, Luis Kaçorri përfiton nga një top i grushtuar keq nga portieri Hoxha në minutën e 56’, duke shtyre topin në rrjetë dhe barazuar ndeshjen. Dinamo nuk do të ndalej me kaq teksa në të 88’ minutë fale një kundërsulmi të ekzekutuar në mënyre perfekte ishte Lorenco Vila që shënoj për të tijët duke vulosur rezultatin 2-1.
Nga ana tjetër Vllaznia triumfon sërish në “Loro Boriçi” kësaj rradhe kundër Tetutës së Edi Martinit. Golat për “kuq e blutë” i shënuan Gruda në minutën e 26’ dhe Çoba në të 83’, kurse për durrsakët shënoj Arifi më një goditje me kokë në minutën e 72’.
Me këto rezultate, Vllaznia dhe Partizani ndajnë vendin e 2 dhe të 3 me nga 37 pikë kurse Dinamo i afrohet edhe më shumë zonës Play-Off teksa ndodhet vetëm 2 pikë larg vendit të 4 i cili për momentin i takon Tiranës.
