Gazetari investigativ Artan Hoxha ka së fundmi për një fenomen që po vihet re gjithnjë e më shumë në Shqipëri, “zbarkimin” e pjesëtarëve të mafias italiane në vendin tonë. Hoxha i ftuar në emisionin “Të Paekspozuarit”, tha se ata kanë ardhur dhe kanë investuar në Shqipëri, duke përdorur partnerë shqiptarë.
Hoxha përmendi rastin e fundit, të Kevin Kurtit, i arrestuar në Durrës, i cili njihet si ‘kumbari.
“Në fakt, ky nuk është episodi i parë gjatë viteve të fundit. Rëndësinë e këtyre personazheve, familjeve mafioze në jug të Italisë, e marrim vesh nga mediat italiane edhe për shkak se operacionet në territorin tonë kryehen nga agjenci ligjzbatuese italiane, që i gjurmojnë vetë dhe e dinë çfarë pasurish dhe lidhjesh kanë. Pastaj në fund i arrestojnë autoritetet tona. Rasti i fundit është një person, narkotrafikant, që mori rëndësi sepse kishte kontaktet në trafikun e kokainës nga Amerika Latine. Ishte ndërlidhës për familjet e Kamorrës dhe Ndraghetës. Në rastin konkret, autoritetet italiane, kishin identifikuar në Shqipëri tre personazhe, por është kapur vetëm njëri dhe bashkëpunëtori i tij shqiptar. Emri i bashkëpunëtorit shqiptar është dhënë por jo i italianit.
Disa vite më parë, prokuroi i antimafias i Catanzaro, e ngriti si shqetësim, se bosë të familjeve mafioze italiane ishin zhvendosur përtej Adriatikut dhe fshiheshin në Shqipëri, bashkë me familjet. Kanë blerë biznese dhe kanë aktivitete. Futen nëpër prona si aksionerë. Italianëve u ka rezultuar, se në Shqipëri janë dhënë urdhrat për të bërë vrasje në Italinë e jugut. Organizatat shqiptarë të narkotrafikut, pasi u trajnuan dhe mësuan të gjithë biznesin në Itali, morën aktivitet dhe nën hyqmin e tyre bënin trafikun nga Amerika Latine. Ngjarje te fundit shërbyen për të kthyer në skenë një situatë të përsëritur vitet e fundit.Qeveria kujdeset për fluksnin e madh të turistëve, pensionistët që kursejnë, etj. Por, pjesa e padukshme është që bashkë me ta, kanë penetruar edhe pjesëtarë të organizatave mafioze.
Mbaj mend një operacion në Bulevardin Zogu i Parë, u kap një nga bosët e Sacrea Corona, që rrinte në Durrës. Ai është rasti i pari i një mafiozi të niveli të rëndësishëm që qëndronte në Shqipëri. Kemi rastin e Prudentino në Vlorë, që kishte investuar në biznese dhe përfshirjen ne lojrat e fatit. Kemi familje të jugut të Italisë që janë pëerfshirë në industrinë e ndërtimit, por gjithmonë me ortakë shqiptarë. Nuk futen asnjëherë vetëm. Kemi edhe rastin, që është shuma më e madhe e kapur, rasti i mafiozit të Cosa Nostra, që në bshkëpunim me Taçin, solli 80 milioën euro. Është çështje që ende nuk është dhënë vendim për Taçin, por u dënua kunati dhe shoferi. Pra sasia e kapur e parave dëshmon nivelin e bashkëpunimit”, tha Hoxha.
Kevin Kurti u arrestua nga autoritet shqiptare në 6 shkurt. Kurti ishte shpallur në kërkim nga Italia për trafik droge. Ai i shpëtoi operacionit tre javë më parë nga Karabinierët e Njësisë Hetimore të Napolit, ku 32 persona, pjesëtarë të dy organizatave kriminale të dedikuara në trafikun ndërkombëtar dhe shpërndarjen e drogës u arrestuan në një operacion të policisë së Napolit në Itali.
