Nga autoritetet italiane është vendosur në pranga një 29-vjeçar shqiptar në Campodarsegno, i cili ishte shpallur në kërkim nga Shqipëria për tentativë vrasje.
Ai akuzohet se më 22 nëntor në Peshkopi ka qëlluar me armë zjarri një grua, duke e plagosur rëndë dhe më pas është arratisur.
29-vjeçari tentoi të humbte gjurmët, por u zbulua dhe u vu në pranga në një hotel në Campodarsego.
Kur shqiptari hyri në hotel, policia u vu në aksion.
Në fakt, drejtësia shqiptare kishte lëshuar një urdhër arresti ndërkombëtar ndaj tij dhe brenda pak minutash në hotel u shfaq një patrullë.
