Tensione në selinë e Parlamentit, aty ku një grup deputetësh demokratë kanë dentuar të hyjnë me forcë në seancën plenare të ditës së sotme.
Janë 23 deputetë të Partisë Demokratike që janë përjashtuar me 10 deri në 20 ditë nga aktivitetet parlamentare, për shkak se në seancat e mëparshme kanë shkaktuar tensione.
Luan Baçi, Flamur Noka, Asllan Dogjani, Ervin Salianji, Gazment Bardhi, Albana Vokshi dhe Saimir Koreshi janë përplasur me punonjësit e Gardës së Republikës, në tentativë për të hyrë në sallë.
Sakaq, një numër i konsiderueshëm qytetarësh janë mbledhur në rrethimin jashtë parlamentit, për të protestuar në mbështetje të grupimi të Rithemelimit të PD-së.
Kreu i Partisë Republikane, Fatmir Mediu ka tekefonuar ndërkohë kryetaren e parlamentit Lindita Nukolla, duke iu ankuar se edhe ai ka mbetur jashtë, për shkak se Garda nuk hap derën.
