Shkroi Soni Salihi
Arsenal fitoi me rezultatin 3-1 në “Emirates Stadium” kundër Liverpool-it të Jurgen Klopp duke pozicionuar veten në vend të dytë të rënditjes, vetëm 2 pikë larg kreut.
Ishte një ndeshje “e çmendur” ajo e zhvilluar ditën e sotme në Londër ku vendasit e Arsenal dominuan pothuajse të gjithë sfiden duke i dhënë mesazhin e qartë Guardiolës dhe Klopp se nuk janë vetëm në garën për titullin kampion.
Ishte anglezi Saka ai që zhbllokoi rezultatin në minutën e 14’ duke i dhënë epërsinë të besuarve të Mikel Artetës, një avantazh që do të arrinin ta ruanin deri në minutën e fundit të pjesës se parë ku Gabriel gaboi pasi preku topin me dorë dhe e shtyu për në rrjetën e tijë duke çuar ekipet në dhomat e zhveshjes me rezultatin e barabartë 1-1.
Pjesa e dytë ishte plot emocione ku Gabriel Martineli shfrytzoj maksimum një paqartësi në mbrojtje të Van Dijk dhe Alisson duke shënuar me portën e boshatisur. Me pas loja u kthye në një makth për “The Reds” të cilit mbetën me 10 lojtar pas marrjes së kartonit të kuq nga Konate në të 88’ dhe pastaj golit të Trossard ku arriti ta gjuaj topin nën këmbët e portierit Alisson duke vulosur rezultatin 3-1 dhe mbyllur ndeshjen.
Një fitore e madhe për Arsenal dhe Artetën të cilët e shohin veten edhe njëherë si pretendent për titullin kampion shumë të dëshiruar, titull që nuk e kan fituar që nga sezoni i largët 2004.
