Një 41 vjeçare është arrestuar nga policia e qytetit bregdetar pasi i vuri flakën automjetit të 42 vjeçarit K.S.
Në pranga ka rënë Doriana Stafa, 41 vjeçe, banuese në Tiranë ndërsa është shpallur në kërkim vëllai i saj M.S, 35 vjeç i cili akuzohet si bashkëpunëtor në krim. Gjithashtu nisi hetimi në gjendje të lire për shtetasin italian F. C., 58 vjeç, për moskallëzim krimi.
Në pamjet e regjistruara nga pamjet e sigurisë, shfaqet vëllai i 41 vjeçares, teksa i vë flakën automjetit të 42 vjeçarit me të cilin motra e tij kishte qenë më parë e lidhur.
Sopas dëshmisë, Doriana Stafa ka pasur një histori dashurie me 42-vjeçarin dhe pretendon se ia ka blerë ajo makinën dhe shtëpinë, por e ka lejuar t’i regjistrojë në emër të tij në shenjë mirëbesimi. Pas ndarjes nuk ka mundur t’i rikuperojë këto pasuri dhe vendosi të hakmerret pasi ndihet e mashtruar ndaj tij.
Nga Italia ka ardhur së bashku me shtetasin italian i cili po hetohet për moskallëzim krimi.
Doriana ka kërkuar që t’i kthejë pasuritë që deklaron se ia ka blerë ajo kur kanë qenë në lidhje dhe kërkon ndihmë nga institucionet për këtë. Asnjë prej të dyve, as shtetasi italian dhe e ajo, nuk ka pranuar gjatë pyetjes në polici se kanë një lidhje mes tyre.
