Një ngjarje e rëndë ka ndodhur sot në Greqi, ku shqiptarja Fatbardha Pali është gjetur e pajetë.
Sipas mediave vendase, ngjarja ka ndodhur në Pirgos, ku shqiptarja i ka dhënë fund jetës së saj duke u varur me litar. Shkak për aktin e rëndë janë bërë problemet familjare, teksa raportohet se ajo u dërgua me urgjencë në spital, por mjekët nuk mundën ta mbanin në jetë.
Prej kohësh ajo ishte viktimë e dhunës verbale dhe fizike nga bashkëshorti i saj, por duket se një tradhti nga ky i fundit e kishte rënduar situatën. Këtë e tregon vetë viktima në një shkrim të publikuar nga vetë ajo në rrjetin social “Facebook, ku sqaron me detaje kalvarin e problemeve të saj në familje.
Ngjarja ka shokuar opinionin vendas, teksa sipas banorëve të zonës, viktima ishte njeri jo problematik dhe mjaftë punëtore. Policia ka nisur hetimet dhe po punon për zbardhje ne pltoë të ngjarjes.
