Gjyqtarja Arnisa Këlliçi ka kërkuar nga Prokuroria pranë Gjykatës së Shkallës së Parë Tiranë të deklarojë mungesë kompetence në lidhje me kallëzimet e bëra nga ana e saj për kërcënimet.
Në arsyetimin e saj, gjyqtarja shprehet se dyshon se njëri nga kërcënimet i ka ardhur indirekt (nëpërmjet Kancelarit të Gjykatës) nga prokurori Adriano Dyrmishi, i cili ushtron detyrën pranë kësaj Prokurorie.
Por burime konfidenciale nga Gjykata e Tiranës bëjnë me dije gjyqtarja Arnisa Këlliçi ka qënë e përfshirë në një çështje korrupsioni sëbashku me prokurorin Adriano Dyrmishi për të ndryshuar masën lidhur me një çështje të fortësh.
Gjyqtarja i Këlliçi në filim ka pranuar “pazarin“ e prokurorit Dyrmishi për të ndryshuar masën por më pas ka ndryshuar mendje sepse është sinjalizuar që ka rënë në përgjimet e SPAK lidhur me këtë aferë korruptive.
Ajo i ka thënë prokurorit Dyrmishi që nuk do ta ndryshonte masën lidhur me çështjen në fjalë që ishin marr vesh në fillim dhe prokurori Dyrmishi i “prerë në besë” nga Këlliçi ka ngelur i vetëm përball presionit që kishte mbi super nga pala që i kishte dal për zot se do i mbaronte punë, ka filluar ofendoj kancelarin dhe bashkëshortin e gjyqtares.
Deklarata e Arna Këlliçit:
“Sot më datë 26.01.2024, në deklarimet e dhëna përpara jush si Prokurore dhe OPGJ-së, kam bërë me dije se dyshoj që njëri prej kërcënimeve ka ardhur indirekt (nëpërmjet Kancelarit të Gjykatës) nga Prokurori Adriano Dyrmishi, i cili ushtron detyrën pranë Prokurorisë suaj.
Po ashtu, pas identifikimit nga hetimet e deritanishme të datës se kur letra kërcënuese e ardhur kundrejt meje është përcjellë në zyrën time, kam bërë me dije se Prokurori ka qenë pikërisht në atë datë në zyrën time”, thuhet në kërkesën e saj.
Kërkesë:
Tiranë, më
Drejtuar: Prokurorisë pranë Gjykatës së Shkallës së Parë Tiranë
Unë gjyqtare Arnisa Këlliçi, kam depozituar kallëzim në lidhje me dy kërcënime të kryera kundrejt meje.
Sot më datë 26.01.2024, në deklarimet e dhëna përpara jush si Prokurore dhe OPGJ-së, kam bërë me dije se dyshoj që njëri prej kërcënimeve ka ardhur indirekt (nëpërmjet Kancelarit të Gjykatës) nga Prokurori Adriano Dyrmishi, i cili ushtron detyrën pranë Prokurorisë suaj.
Po ashtu, pas identifikimit nga hetimet e deritanishme të datës se kur letra kërcënuese e ardhur kundrejt meje është përcjellë në zyrën time, kam bërë me dije se Prokurori ka qenë pikërisht në atë datë në zyrën time.
Duke patur parasysh këtë fakt, si dhe në kushtet kur jam gjyqtare e po së njëjtës Gjykatë, në bazë të neneve 78 e 84 të Kodit të Procedurës Penale, kërkoj deklarimin e mungesës së kompetencës së Prokurorisë suaj dhe dërgimin e akteve një Prokurorie të ndryshme më të afërt.
Me vlerësim për punën tuaj të deritanishme dhe me konsideratë,
Kujtojmë se Këshilli i Lartë Gjyqësor ka caktuar 3 muaj mbrojtje të posaçme për gjyqtaren dhe familja e saj.
