Në Elbasan janë sekeustruar pasuri me vlerë rreth 550 mijë euro, në kuadër të operacionit policor të koduar ‘”Real estate” dhe në zbatim të masave të përcaktuara në planin operacional kombëtar “Sundimi i ligjit”.
Dyshohet se këto e kanë burimin nga veprimtaritë kriminale të 2 shtetasve, të cilët janë dënuar njëri në Itali, tjetri në Belgjikë, për veprën penale “Trafikimi dhe shfrytëzimi për prostitucion”.
Konkretisht, u bë sekuestrimi 1 objekt 3-katësh, në Cërrik, dhe 1 automjet “Lamborghini”. Nga veprimet hetimore dyshohet se pasuritë e sekuestruara e kanë burimin nga veprimtaritë kriminale të kryera nga një shtetas, i cili është i dënuar në Belgjikë, për veprën penale “Trafikimi dhe shfrytëzimi për prostitucion”.
Ndërkaq, u sekuestria edhe një objekt banimi me sipërfaqe 105 m2, në Elbasan. Dyshohet se kjo pasuri e sekuestruar e ka burimin nga veprimtaritë kriminale të kryera nga një 34-vjeçar, i cili ka qenë i dënuar më parë, në Itali, për veprën penale “Trafikimi dhe shfrytëzimi për prostitucion”.
