Policia spanjolle ka zbuluar vendndodhjen e një magazine me afro 2500 bimë marijuane në Cuarte de Huerva. Në kuadër të këtij operacioni janë arrestuar katër shqiptarë të moshës 23 deri në 33 vjeç, raportojnë mediat spanjolle.
Ky biznes i paligjshëm kryhej në një magazinë të pajisur plotësisht për kultivimin e marijuanës, kishte hapësira të ndryshme në varësi të rritjes së bimës.
Gjithashtu kishte një hapësire për të banuar tre persona, që ruanin plantacionin. Në këtë dhomë, e cila kishte një kuzhinë, elektroshtepiake, dyshekë dhe një banjë për të banuar vazhdimisht, u gjetën sendet personale të tre burrave. Zëdhënësja e Gardës Civile, Ana Cristina Ortin, shpjegoi se “ata kishin gjithçka të nevojshme për rritjen e bimëve,ambjenti ishte i pajisura me një sistem ndriçimi, lagështimi dhe ajrimi”.
Gjithashtu, u vërtetua se magazina furnizohej me energji elektrike në mënyrë të paligjshme, me manipulim të kryer nga një profesionist i atij sektori, i cili kishte lidhur panelin elektrik me atë të ndriçimit publik jashtë.
