Këtë mëngjes Ilnisa ka treguar një ëndërr të frikshme që kishte parë e cila e kishte tmerruar dhe kishte kaluar gjithë natën duke qarë.
Ervini, Albi dhe Graciano po e dëgjonin me shumë kureshtje, ndërsa ky i fundit e pyeti nëse në ëndërr ishte edhe Meritoni, por siç tregon Ilnisa ai nuk u shfaq në asnjë moment.
“Gjej veten mbi një urë, nuk e di në çfarë lartësie, duke u ngjitur si kjo shtëpia. Hip një shkallë, hip një shkallë, hip një shkallë dhe kur ul kokën poshtë më lëvizte shtëpia. Shtëpia ishte andej po unë zbrisja dot. Si përfundim nuk e di se çfarë ndodhi por erdhën dhe më shpëtuan nga andej. Vij rreth e rrotull shtëpisë nga ana tjetër, si përfundim arrita të futesha po me shumë vështirësi. Ato shtrigat ishin, ti nuk e ke idenë. Ishin nja 30 gra. Kam qarë gjithë natën”, tregon Ilnisa.
