Babai i Jetnor Zhabolit, Muharrem Zhaboli, ka folur në lidhje me vendosjen e kamerave në banesë, që sipas tij ka qenë në dakordësi mes çiftit. Vavai shprehet se që prej publikimit të ngjarjes, gazetarët e kameramanët janë tërë ditën jashtë banesës së tij, gjë që përbën shumë shqetësim për të.
Muharrem Zhaboli shprehet se djali nuk ka pranuar që të mjekohej. Ai deklaroi se djali i tij kishte shfaqur probleme në aspektin psikologjik pasi kaloi dy herë Covid-in.
“Çështja e monitorimit ka këtë shpjegim që ai vetë dëgjonte zhurma në shtëpi. I bëhej sikur dëgjonte zhurma, a kupton? Sikur përgjohej, sikur kishte zhurma…Ngrihej natën jerm ose e zinte gjumi tullë nuk dëgjohej fare, pra kishte ca reflekse të anës psikologjike.
Këto, unë si prind dhe bashkëshortja ime i kemi vënë re pasi ata njëherë u shtruan të dy, sëmurë te Infektivi, me temperaturë, ftohje. Me një dhomë të dy. Pastaj ky kaloi dy herë Covid-in, në gjendje të rëndë. Pastaj kur ka bërë vaksinën, ka filluar të humbë diçka, reflekset…
Jo! I vinin nga jashtë. Ky pastaj, pas ca kohësh i kërkoi policisë që të kontrollonte me aparate, mos ka ndonjë pajisje, mos ka ndonjë zhurmues. Mos ka ndonjë gjë…Kontrolluan, jo…
Kamerat janë vendosur me dakordësi mes djalit dhe nuset. Ai kishte nevojë që të kurohej, por kishim frikë nëse e çonim për ta mjekuar, ai do të përkeqësohej. Vajza ka shkuar çdo ditë në shkollë, e ka çuar nusja me gruan time, nusja është këtu në shtëpinë ku jetonin. Nuk ka pasur skena xhelozie, se me dëshirë janë martuar dhe janë njohur. Nuk merret për bazë një fëmijë 9 vjeç, ajo ka 3 ditë që është duke qarë, ja kemi mbyllur televizorin që të mos i shohin lajmet.
Kjo çështja e medias është një persekutim më vete. Ekzagjerimi i lajmeve. Sepse njerëz jemi…Nuk është në interes jo tonin si familje, por as në interes të shoqërisë, drejtësisë, as të ardhmes që të shkatërrohet një familje. Se mund ta shkatërrosh shumë lehtë…
Vështirë është për ta rikuperuar, për ta sjellë në norma, sjellje normale. Duke i rënë derës nga ora 7 e mëngjesit deri në orën 4 pasdite gazetarët. Kamerat bllokojnë rrugën, shqetësojnë edhe komshinjtë, është e papranueshme. Është prekje e dinjitetit të një familjeje”, u shpreh Zhaboli.
