Shkroi: Soni Salihi
Ditën e djeshme ka qënë afati i fundit për marrjen e një përgjigje nga UEFA në lidhje me aplikimet fituese për biletat e ndeshjeve të Euro 2024. Shqiperia ishte një ndër shtetet më me shumë aplikime gjatë shorteut ku numri arriti afersisht deri në 40000 për ndeshje.
Kjo vinte edhe si rezultat i entuziasmit të madhë që kishin shqiptarët për ta parë kombëtaren e tyre të përballet me 3 “gjigandë” të futbollit europian siç janë Spanja, Kroacia dhe kryesisht Italia.
Problemi qëndron se shumica e këtyre aplikimeve kanë marrë përgjigje negative nga UEFA duke mos dale fitues gjë që ka irrituar tifozët tanë. Kjo nuk vinte vetëm për shkak të probabilitetit të ulët për tu shpallur fitues nga numri i lartë i aplikimeve por edhe nga një politikë që zbaton UEFA.
Shansin më të lartë për të marrë bileta e kanë ata persona që janë me afer vendit organizator dhe në një farë mënyre kjo i bën më të priviligjuar. Pra shumica e vendeve janë zënë nga gjermanët ose emigrantët shqiptarë që jetojnë në Gjermani.
Megjithatë asgjë nuk është mbyllur ende sepse UEFA i ka derguar dje aplikantëve fitues një formular që duhet ta plotësojnë për të kryer pagësën e biletave dhe ata përsona që nuk e plotësojnë brenda afatit kohorë të përcaktuar do ti humb e drejta për ta pasur atë biletë dhe do ti kalohet një aplikanti tjetër.
