Një 50-vjeçare ka humbur jetën në Tiranë pasi është rrëzuar nga kati i dytë i banesës.
Ngjarja e rëndë ka ndodhur në rrugën “Allaman Dervishi”, pranë parkut të autobusëve te Kthesa e Kamzës, dyshohet aksidentale.
“Më datë 23.01.2024, në rrugën “Allaman Dervishi”, dyshohet se aksidentalisht ka rënë nga kati i dytë i banesës, shtetasja K. M., 50 vjeçe, e cila si pasojë e plagëve të marra, ka humbur jetën në spital”, bën me dije policia.
Grupi hetimor po punon për sqarimin e rrethanave të ngjarjes.
