Arrestohen dy punonjës të OSHEE-së në Tiranë. A. P. 54 vjeç dhe R. K. 63 vjeç, të dy banues në Tiranë akuzohen për veprën penale “Korrupsioni pasiv i personave që ushtrojnë funksione publike”.
Sipas policisë dy punonjësit e OSHEE-së akuzohen se i kanë marrë shuma të ndryshme parash një biznesmeni me qëllim rimbursimin e energjisë elektrike dhe ndryshimin e tarifimit për subjektin e tij furrë buke.
Në cilësinë e provës materiale u sekuestruan 500 000 lekë dhe 3 celularë. Rasti u zbulua pas denoncimit në emisionin Fiks Fare.
