Zbardhet vrasja në Mat/ I plagosi vajzën në 2013-ten, 63-vjeçari mori hakun sot. Vetëdorëzohet në polici

Vrasje në Mat. Raportohet se Islam Meta, 63 vjeç ka vrarë me armë gjahu këtë të dielë 52-vjeçarin Petrit Kuka. Ngjarja e rëndë ka ndodhur në fshatin Vig të Burrelit. Pas ngjarjes Meta ka lajmëruar policinë dhe është vetëdorëzuar duke pranuar krimin. Shkak për ngjarjen është bërë një plagosje e ndodhur në vitin 2013. Petrit Kuka mësohet se ka plagosur vajzën e Islam Metës për motive të dobëta. Por ajo ngjarje e para disa viteve nuk ishte mbyllur, kështu këtë të dielë 63-vjeçari ka marrë hak.

NJOFTIMI I POLICISË:

Mat/informacion paraprak. Më datë 21.01.2024, në fshatin Vig, në Burrel , shtetasi I. M., rreth 63 vjeç, ka vrarë me armë gjahu shtetasin P. K, rreth 52 vjeç. Autori i dyshuar i kësaj ngjarje, pasi ka kryer krimin ka telefonuar Policinë dhe ka treguar mbi rrethanat e ngjarjes dhe më pas ka kërkuar të vetëdorëzohet. Nga hetimet paraprake të kryera dyshohet se ngjarja ka ndodhur për arsye se, viktima shtetasi P.K., në vitin 2013, për motive të dobëta ka plagosur vajzën e shtetasit I.M. Shërbimet e Policisë kanë shkuar menjëherë në vendngjarje dhe po bëjnë shoqërimin e shtetasit I.M , në komisariat. Grupi hetimor nën drejtimin e Prokurorisë po punon për zbardhjen e plotë të rrethanave të ngjarjes.