Ish-banorja e “Big Brother VIP 1”, Beniada Nishani së fundmi ka qenë e ftuar në emisionin “Pardon My French”, ku ka folur rreth jetës së saj dhe eksperiencës në “BBV”.
E pyetur nga moderatorja nëse do të bëhej përsëri pjesë e shtëpisë së “Big Brother VIP” a do të lidhej me Romeo Veshaj, duke qeshur ajo tha që i pëlqejnë burrat pa mustaqe por po ti heqë ato do ta mendonte si opsion.
“Shiko, mua nuk më pëlqejnë burrat me mustaqe. Po ti heqi mustaqet, do ta shikoj përpara e pastaj do t’ju them. Do ta studioj. Unë nuk jam lidhur tek i pari, do lidhem tek ky… Unë nuk jam futur me strategji që të mos lidhem. Thjesht nuk bëj kompromis me dashurinë. Po të kisha pasur ndonjë ndjesi, sigurisht do të kisha dalë e do të kisha bërë shoqëri, por brenda shtëpisë së Big Brother është një presion e është kaq e vështirë që të lidhesh, sepse ti ndjen një presion. Ke frikë të shprehesh, ke frikë ta përqafosh një person.”– u shpreh modelja.
