Franz Beckenbauer vdiq në moshën 78-vjeçare, duke shkaktuar dhimbje për futbolldashësit, sport në të cilin ai dha shumë si lojtar i gjithanshëm në Bayern Munich dhe kombëtaren gjermane. Me vdekjen e tij më 7 janar, disa histori nga jeta private e Kaiser-it në lidhje me çështjet familjare dhe sentimentale filluan të dalin në dritë. Por edhe legjenda e futbollit kishte “anën e tij të errët”.
Dashuria e parë e madhe e Beckenbauer ishte Brigitte Wittmann, me të cilën u martua në moshën 21-vjeçare në vitin 1966. Ata u takuan kur ajo punonte si sekretare në Federatën Gjermane të Futbollit (DFB) dhe thonë se ylli i futbollit i sillte një çokollatë çdo ditë, derisa më në fund e ftoi për një shëtitje romantike përgjatë lumit Isar. Brigitte, e cila kishte treguar dashurinë e saj për Franzin duke adoptuar djalin (Thomas) që futbollisti kishte pasur në moshën 18-vjeçare me një kolege në kompaninë Allianz (Ingrid Grönke).
FRANZ BECKENBAUER DHE BRIGITTE WITTMANN
Me Brigitte ai pati dy fëmijë të tjerë, Michael dhe Stephan, të cilët vdiqën në moshën 46-vjeçare pasi u diagnostikuan me një tumor në tru.
“Nuk e di nëse do të mund ta pranoj ndonjëherë vdekjen e tyre,”– do të deklaronte ai në vitin 2015, duke e cilësuar humbjen e tyre, si më të madhej në jetë.
Por edhe martesa me Wittmann nuk zgjati shumë. Ata u ndanë në 1977 por u divorcuan në 1990. Ndërkohë, Beckenbauer kishte rënë në dashuri me Diana Sandmann, një fotografe sportive me të cilën shkoi të jetonte në Nju Jork.
Lidhja e dashurisë së dy herë fituesit të Topit të Artë me Dianën, të cilën mediat gjermane e cilësuan si “më të pasionuarat”, u konsolidua në “Mollën e Madhe”. Por përsëri, pas më shumë se një dekade lidhjeje, ‘Perandori’ u nda sërish. Dashurinë e provoi sërish kur takoi Sybille, me të cilën mbajti dasmën e dytë zyrtare të jetës së tij në vitin 1990, kur ai tashmë ishte trajner i ekipit gjerman.
FRANZ BECKENBAUER DHE HEIDI BURMESTER
Jo çdo gjë shkoi siç pritej dhe marrëdhënia u prish pas një skandali për një fëmijë jashtë martese që Beckenbauer kishte me sekretaren e tij të Bayern Munichut, dy dekada më të re. Lajmi u bë publik në vitin 2000 kur Franz punonte në ekipin bavarez dhe bëri bujë. Gruaja në fjalë do të përfundonte të ishte gruaja e tij e tretë dhe e fundit: Heidi Burmester. Në mes të skandalit, trajneri i atëhershëm i skuadrës më të fuqishme në vend përdori një frazë që mbahet mend ende: Krimi nuk është aq i madh. Zoti gëzohet për çdo fëmijë.
Në vitin 2006, viti kur Kupa e Botës u mbajt në Gjermani, të dy u martuan dhe patën një vajzë, Francesca, e cila iu bashkua Joel-Maximilian në familjen e re.
Franz i kaloi vitet e tij të fundit duke luftuar një sëmundje dhe në shoqërinë e partneres së tij, Heidi. 57-vjeçarja përfundoi si femra më e rëndësishme për Beckenbauer dhe ajo që e shoqëroi deri në ditët e fundit dhe që ka marrë pasurinë e mbrojtësit gjerman, e cila kap shifrën e 80 milionë eurove.
