Pas incidentit që ndodhi në Komisionin e Medias ku deputetët e PD-së, Gazment Bardhi dhe Flamur Noka nuk lejuan kolegen e tyre demokrate Flutura Açkaqë të vazhdonte mbledhjen, ka reaguar Lulzim Basha.
Në një postim në rrjetet sociale, Basha dënon dhunën verbale ndaj Açkës
“Turp për këta burrecë të vegjël që mendojnë se duke sulmuar zonjat me dhunë verbale, tregojnë forcë. Kjo vetëm provon se sa të dobët janë”, shkruan Basha në rrjetet sociale.
Kreu i Grupi të opozitës, Gazment Bardhi, i është përgjigjur deklaratës së Lulzim Bashës pas debateve që Bardhi pati me deputeten Flutura Açka dhe Merita Bakiu në Komisionin e Edukimit.
Bardhi ka “shpërthyer” në akuza ndaj Bashës, duke thënë se ai është “një zagar që ka shitur interesat e demokrateve dhe një shërbëtor i regjimit”.
“Absolutisht i keqardhur nga debati me kolegë të opozitës! Por, është fakt i njohur që opozita është në një betejë kundër mazhorancës në Kuvend, dhe çdo opozitar duhet të jetë krah nesh në këtë betejë, dhe jo përballë njëlloj si Edi Rama. Tentativa për të provokuar me “normalitet të rremë” i kolegëve të opozitës, nuk mund të jetë kurrë strategjia e një opozitari. Ajo është vetëm strategjia e një të paburri, që vetë rri në shtëpi e kujdeset të shtojë katet në Kulla, ndërkohë që keqpërdor për fasadë të pazareve në kurriz të demokratëve, ndershmërinë e disa zonjave deputete, që vazhdojnë të besojnë gënjeshtrat e tij!”, thotë Bardhi.
Gazment Bardhi dhe Flamur Noka nuk e lejuan Açkën që të vazhdonte mbledhjen e Komisionit të Medias, ku të pranishëm ishin edhe deputetë të PS.
