Princ Leka dhe Elia Zaharia konfirmojnë ndarjen dhe nisin procedurat e divorcit. Përmes një njoftimi zyrtar të përcjellë nga Oborri Mbretëror Shqiptar, ata kanë bërë me dije se të dy kanë rënë dakord që martesës së tyre ti japin fund.
Duke qenë se martesa e ka humbur funksionin e saj, kanë parë të udhës ta zgjidhin atë me pëlqim reciprok duke filluar procedurat e nevojshme ligjore.
Pavarësisht besimit tek instituti i familjes, LTM Princ Leka II beson se vlerat e respektit dhe mirëkuptimit reciprok do të përbëjnë bazën e marrëdhënies në vijimësinë e saj, që do të ketë si motiv rritjen dhe edukimin e LSM Princeshës Geraldinë!!!” thuhet në njoftimin e Oborrit Mbretëror Shqiptar.
Elia Zaharia ka qenë në qendër të vëmendjes së mediave këto kohët e fundit, për arsye të lajmeve të ndarjes me princ Lekën. Po ashtu edhe për lidhjen e re të Lekës.
Ndërsa Leka dhe fotografja Blerta Celibashi po jetojnë romancën e dashurisë, Elia është “hakmarrë” me çiftin e ri, duke i hequr të dy nga rrjetet sociale.
Elia Zaharia dhe Blerta Celibashi ndiqeshin në Instagram, pasi dikur kanë qenë mikesha. Por duket se përveç martesës me princin, Elia i ka vënë kapakun edhe miqësisë me fotografen.
Kujtojmë se divorci i Lekës dhe Elia Zaharias erdhi pas 7 vitesh martesë dhe rreth 1 dekade historie dashurie.
