Gazment Bardhi ka folur pas tensioneve të krijuara në sallën e Kuvendit. Sipas Bardhit nuk ishin njoftuar se presidenti Bajram Begaj, kishte planifikuar të mbante një fjalim drejtuar Kuvendit sot.
Bardhi ngriti akuza ndaj Begajt, duke e quajtur prezencën e tij në Kuvend provokim për opozitën. Ai theksoi se nëse Bajram Begaj zgjedh të sillet si vartës i Edi Ramës, atëherë ai do të trajtohet si i tillë nga opozita.
Bardhi: Sa i takon seancës së sotme jemi njohur nëpërmjet mediat që presidenti do të jepte një mesazh për Kuvendin e Shqipërisë. Edhe pse opozita e kishte njoftuar vijimin e këtij aksioni. Presidenti nuk ka ardhur për t’ju drejtuar me mesazh. I bëj thirrje presidentit që të heqë dorë nga sjellja e tij si palë dhe të respektojë kolltukun. Kam patur dhe vazhdoj të kem kontakte me ndërkombëtarët. Nuk kam marrë asnjë këshillë, dëgjoj me vëmendje që kanë bërë thirrje palëve për dialog politik. Kam patur dhe vazhdoj të kem kontakte me ndërkombëtarët. Nuk i takoj as për t’i thënë këshilla, as për t’i marrë. Vlerësoj angazhimin e tyre dhe faktin që janë të shqetësuar që një vend kandidat i BE të jetë funksional. Nuk duhet një reformë zgjedhore dhe moslejimi i kontrollit ndaj ekzekutivit.
Si e shihni zgjidhjen e këtij konflikti politik?
Bardhi: Nuk sulmova presidentin. Sot presidenti u soll si i verbër që nuk e di që ka një situatë mes opozitës dhe maxhorancës. Sot shprehja keqardhjen që kreu i shtetit ishte sjellë në seancë për të provokuar opozitën. Ky është antentat ndaj Kushtetutës. Sa i përket zgjidhjes së krizës, mjafton të zbatojmë rregulloren e Kuvendit, nëse do të kërkonim favore, po. Ne po kërkojmë respektimin e rregullores. Duke respektuar rregulloren, kriza është e zgjidhur.
