Prokurorët turq kanë nisur një hetim kundër futbollistit izraelit Sagiv Jehezkel me akuzën e nxitjes së njerëzve për urrejtje dhe armiqësi, tha ministri turk i drejtësisë Yilmaz Tunc, lidhur me një gjest që ai bëri në ndeshje. Ai kishte një mesazh sensibilizimi me pengjet izraelitë të mbajtur nga Hamasi dhe e tregoi atë, kur shënoi gol. Jehezkel u arrestua në Antalia, raportuan disa media turke të lajmeve, të dielën vonë.
“Një hetim gjyqësor është nisur nga Zyra e Kryeprokurorit Publik të Antalias kundër futbollistit izraelit Sagiv Jehezkel për ‘nxitje të njerëzve në urrejtje dhe armiqësi’ për shkak të gjestit të tij të shëmtuar në mbështetje të masakrës së Izraelit në Gaza, pasi shënoi një gol në ndeshjen e Superligës Antalyaspor-Trabzonspor”, ka shkruar Tunc në platformën e mediave sociale X.
Jehezkel, 28 vjeç, festoi golin e barazimit 1-1 kundër Trabzonspor në ligën e parë turke, duke bërë një shenjë me duart e tij në kamerë dhe tregoi fjalët “100 ditë. 7 tetor” së bashku me një simbol të Yllit të Davidit në dorën e tij. 100 është numri i ditëve që pengjet kanë qenë në robërinë e grupit të Hamasit. Jehezkel u pezullua menjëherë nga Antalyaspor deri në njoftimin e mëtejshëm, mes kritikave të ashpra nga tifozët vendas dhe mediat në Turqi. Presidenti i klubit ka premtuar gjithashtu ndërprerje të kontratës së tij.
https://platform.twitter.com/embed/Tweet.html?dnt=false&embedId=twitter-widget-0&features=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%3D%3D&frame=false&hideCard=false&hideThread=false&id=1746546912809926880&lang=en&origin=https%3A%2F%2Fzeri.ai%2Fqyteterim%2Farrestohet-futbollisti-izraelit-ne-turqi-percolli-mesazh-per-pengjet-n-i189736&sessionId=9c1f7b430f68a7f3b9f446bcebd6bf06d865150e&theme=light&widgetsVersion=2615f7e52b7e0%3A1702314776716&width=550px
Channel 12 raportoi të dielën vonë në mbrëmje se protestat kishin shpërthyer jashtë zyrave të klubit Antalyaspor, duke kërkuar largimin e Jehezkel nga ekipi. Ish-kryeministri izraelit Naftali Bennett kritikoi arrestimin e raportuar, duke postuar në Twitter: “Kjo është Turqia 2024. Turp për ju, qeveri turke”. Ynet raportoi se kryeministri Benjamin Netanyahu është në dijeni të zhvillimeve dhe se Zyra e Kryeministrit së bashku me Ministrinë e Jashtme dhe Ministrinë e Kulturës dhe Sporteve po punonin për të shtyrë Turqinë për lirimin e Jehezkel.
Në një postim të së dielës mbrëma X, Sinan Boztepe, presidenti i klubit turk Antalyaspor, tha se Jehezkel kishte vepruar kundër ndjeshmërisë së Antalias, Antalyasporit dhe vendit tonë. Nuk ishte menjëherë e qartë nëse Jehezkel u pezullua apo u shkarkua nga klubi i futbollit, megjithëse Boztepe u zotua të ndërpresë kontratën e tij.
Federata Turke e Futbollit (TFF) shtoi: “Ne dënojmë sjelljen krejtësisht të papranueshme të futbollistit Sagiv Jehezkel gjatë ndeshjes mes Antalyaspor dhe Trabzonspor dhe e konsiderojmë të përshtatshëm vendimin e Antalyaspor për të përjashtuar lojtarin nga ekipi i tij”.
Jehezkel ishte një nga qindra mijëra izraelitët dhe mbështetësit në mbarë botën, që bëri thirrje të dielën për lirimin e pengjeve që u zunë rob në masakrat e Hamasit të 7 tetorit në komunitetet jugore izraelite, kur militantët vranë 1200 njerëz, kryesisht civilë dhe morën 240 njerëz pengje.
