Kryetari i Partisë Demokratike Lulzim Basha është pyetur lidhur me arrestimin e ish-kryeministrit Sali Berisha.
Në një konferencë me gazetarët, Basha ka thënë se ka dy përgjigje lidhur me pyetjen se cili është reagimi i tij për arrestimin e Berishës.
Basha tha se ndjen “keqardhje të madhe” në rrafshin personal, pasi Berisha është njeri me të cilin ai ka bashkëpunuar në kohë të gjatë. Ndërsa në rrafshin personal, Basha sugjeroi se Berisha por dhe çdo politikan tjetër, duhet të përballen me drejtësinë, ndërsa opozita dhe PD duhet të “ecë përpara”.
Pjesë nga deklarata e Bashës:
Pyetje: Cili është reagimi juaj për arrestimin e Berishës?
Basha: Kam dy reagime, njëri në rrafshin personal tjetri në rrafshin politik. Në rrafshin personal nuk më vjen mirë, që një njeri me të cilin kam bashkëpunuar për një kohë të gjatë dhe i cili ka dhënë kontributet e veta, ka përfunduar këtu. Çfarë kam patur ia kam thënë, por në fund secili bën zgjedhjen e vetë. Sjellja e tij është një kosto që i ka dhënë familjes së tij, por edhe opozitës dhe vendit. Në rrafshin personal nuk kam asgjë tjetër veçse keqardhje të madhe.
Në rrafshin politik, të ecim përpara. Në çdo rast, qëndrimi i PD është që drejtësia duhet të bëjë punën e saj të pakufizuar, dhe çdokush përfshi edhe unë, ndaj kam çuar në parlament nismën që çdokush të jetë i barabartë para ligjit. U deshën 2 javë për heqjen e imunitetit të Ahmetajt, kohë e mjaftuar për t’u arratisur.
