Në lidhje me vrasjen tronditëse mbrëmjen e djeshme në Vlorë rreth orës 22:20, ku mbeti i vrarë i riu 22-vjeçar Gëzim Sinomati, janë shoqëruar deri më tani nga policia 10 persona, të cilët janë marrë si dëshmitarë dhe mund të ndihmojnë në identifikimin e autorit.
22-vjeçari u ekzekutua natën e mbrëmshme në ambientet e banesës së tij, siç është bërë me dije viktima është qëlluar me snajper sapo ka dalë në ballkonin e shtëpisë, plumbi i cili e ka goditur në kokë ka rezultuar fatal.
Autori dyshohet se ka qenë një person, ndërsa më pas është ndihmuar nga dy të tjerë për t’u larguar nga vendi i krimit. Sapo është bërë ekzekutimi janë fikur dritat e zonës dhe gjithçka ka qenë në errësirë për afërsisht 5 minuta.
Shkaqet e kësaj vrasje mafioze nuk dihen ende, ndërkohë dyshimet e para nga policia shkojnë drejt pistës së hakmarrjes.
Kjo pasi viktima Gëzim Sinomati është djali i Sokol Sinomatit, anëtar i bandës së “Gaxhiut”
