Në mungesë të kontaktit fizik me të, demokratët kanë zgjedhur ti lënë një mesazh urimi në derën e pallatit kreut të Partisë Demokratike Sali Berisha. Të mbledhur poshtë banesës së Berishës, demokratët kanë shkruajtur një urim dhe e kanë ngjitur në derën e pallatit.
“Urimet tona më të mira, gëzuar, gëzuar gëzuar 2024”, shkruhet në letër.
Dhjetëra simpatizantë të Berishës, ashtu si dhe dy netë më parë dhe këtë të premte janë mbledhur në rrugën “Mustafa Matohiti”, në mbështetje të Sali Bërishës, i cili me urdhër të Gjykatës së Posaçme qëndron nën masën e sigurisë “Arrest shtëpie”.
Sali Berisha akuzohet për kryerjen e veprës penale “Korrupsion pasiv i funksionarëve të lartë shtetërore ose të zgjedhurve vendorë”, kryer në bashkëpunim në aferën e privatizimit të ish kompleksit Partizani. Pasi Berisha nuk e respektoi masën e sigurisë “Detyrim për t’u paraqitur në policinë gjyqësore” dhe “Ndalim i daljes jashtë shtetit”, GJKKO e konvertoi masën në “Arrest shtëpie” me kërkesë të SPAK. Më herët për dosjen “Partizani” është arrestuar dhe dhëndri i tij Jamarbër Malltezi, i cili më pas u lirua nga burgu nga Gjykata e Apelit të Posaçëm dhe u la në “Arrest shtëpie”.
