Zbardhen detaje të reja nga plagosja që ndodhi mbrëmjen e djeshme në Fier ku i përfshirë ishte një efektiv policie. Të dy përfunduan në spital, si polici edhe agresori.
Daniel Braçi 26-vjeç sipas policisë tentoi që të futet brenda qendrës së qytetit e cila ishte bllokuar për makinat për shkak se po zhvillohej një koncert.
Patrulla e ndaloi për të hyrë, por i riu zbrit dhe qëlloi me grusht në fytyrë policin Shkëlqim Jahelezi i cili me pas e ka plagosur me armën e shërbimit për ta neutralizuar.
Të dy janë dërguar në spital dhe ndodhen jashtë rrezikut për jetën. 26-vjeçari Daniel Braçi në 2019 është përfshirë në sherrin me thika dhe armë zjarri në Levan dhe në Urgjencën e Spitalit të Fierit.
Ai i mori armën nga brezi një oficeri të patrullës së policisë dhe plagosi me të Aleksandër Zhapajn gjatë kohës që të dy po shoqëronin në spital të afërm të lënduar gjatë një sherri në një lokal në Levan të Fierit. Si doli asokohe nga qelia tregon gjendjen e sistemit të drejtësisë.
