Fredi Beleri, kryebashkiaku i zgjedhur i Bashkisë Himarë i cili nuk po bën dot betimin pasi ndodhet në qeli i arrestuar për blerje votash, ka reaguar pas një intevirte të kryeministrit Edi Rama lidhur me ccështjen e prangosjes së tij për median greke “Kathimerini”.
Në një postim në FB e Belerit, thuhet se pas kësaj interviste, vetë Beleeri i ka dërguar një reagim medias greke.
Sipas tij, intervista e vetëkërkuar e kryeministrit Edi Rama për “KATHIMERINI”, dalja e katërt publike e tij për rastin e tij në 12 ditët e fundit kur ndërkohë ai mbajti një heshtje peshku për 90 ditë rresht që nga arrestimi, çon në tre përfundime kryesore:
“Së pari, filloi të kuptojë, pasi Athina e detyroi të mungonte në foton e madhe të liderëve të Ballkanit Perëndimor, pasojat e veprimeve të tij në procesin e anëtarësimit por edhe pozicionin ndërkombëtar të Shqipërisë në përgjithësi. Asnjëherë nuk është vonë.
Së dyti, vendosi të tregojë pendesë për sulmin publik shpifës dhe abuziv ndaj meje para zgjedhjeve por duke e bërë këtë artificialisht dhe me kujdes për të shkëputur përndjekjen time nga sulmi i tij dhe për të treguar se është lider autocensurues. Shpresoj që në një të ardhme të afërt të gjejë staturën politike për të bërë mea culpa, por ta nënkuptojë dhe ta vërtetojë në praktikë.
Së treti, ai vazhdon të shtrembërojë realitetin dhe të gënjejë. Shpresoj që ai të ketë rënë viktimë e dezinformimit dhe ta kuptojë herët, përpara se pasojat për Shqipërinë, Bashkinë e Himarës dhe mua personalisht të bëhen të pakthyeshme”.
“Kërkova nga redaksia e KATHIMERINI që të dielën e ardhshme, më 3 shtator, të pranojë një shkrim timin me rastin e intervistës së Edi Ramës. Nesër të rëndësishmet zoti Rama”, mbyllet reagimi.
Rama, një intervistën për median greke, tha se nuk e merr si personale mungesën e ftesës nga homologu Mitsotakis për darkën joformale të liderëve të Ballkanit para disa ditësh në Athinë, megjithëse shprehet se nuk do vepronte në të njëjtën mënyrë si kryeministri grek. Sa i takon rastit “Beleri”, Rama shprehet se gjatë fushatës mund të ketë thënë disa gjëra për të cilat nuk ndihet krenar, duke iu referuar disa prej ofendimeve me të cilat i është drejtuar Belerit.
