Një 51-vjeçar, Ylli Misku, është arrestuar në Tiranë me qëllim ekstradimi në Itali. Ai ishte i shpallur në kërkim ndërkombëtar nga Interpol Roma, pas një dënimi nga Gjykata e Apelit Bologna në korrik 2022, ku u dënua me 5 vjet, 11 muaj e 14 ditë burg për trafikim të lëndëve narkotike dhe vjedhje në rrethana rënduese.
Arrestimi i Miskut u realizua nga shërbimet e Drejtorisë së Forcës së Posaçme Operacionale, si pjesë e operacionit policor të koduar “Operacionalja”. Ky operacion kishte si qëllim lokalizimin dhe kapjen e personave të shpallur në kërkim ndërkombëtar, duke u bazuar në informacionet operative mbi vendndodhjen e tij.
