Radio Televizioni Shqiptar po vuan sot abuzimet me fondet e ish drejtuesve. Miliona lekë të taksapaguesve po dalin në xhepat e personazheve mediatike. Si në foton e mëposhtme ku figurojnë 48 milionë lekë për një emision dy mujor i drejtuar nga prezantuesja Kozeta Kurti.
Programi realizohej me mjete minimale, shpesh vetëm me një kamerë, dhe në pjesën më të madhe të rasteve pa staf teknik të dedikuar.
Shikueshmëria e tij ishte qesharake krahasuar me koston: mesatarisht jo më shumë se 220 klikime në rrjet. Për më tepër, emisioni rezulton se ishte një kopje pothuajse identike e një formati të ngjashëm, të realizuar më herët nga gazetarja Blerta Tafani.
Kozeta Kurti ka figuron në të njëjtin program me tre pozicione të ndryshme njëkohësisht: si prezantuese, si autore dhe si skenariste. Për secilin rol, ajo duhet të marrë pagesa të veçanta, duke trefishuar përfitimin personal nga i njëjti projekt. Kjo formë përfitimi është shkelje flagrante e rregullave financiare dhe një mënyrë për të fryrë artificialisht buxhetin.
Pas ndërprerjes së projekteve të saj me ardhjen e drejtimit të ri në RTSH, Kozeta Kurti ka nisur të përfshihet në fushata denigruese ndaj menaxhmentit aktual. Si në rasti e një lajmi të fabrikuar për dorëheqjen e drejtoreshës së RTSH-së, duke u përhapur Kozeta si “lajm i fundit”. Pas këtij lajmi fshihej vetë Kozeta, e cila kishte interes të krijonte kaos publik për të penguar zbulimin e abuzimeve.
Auditimi i RTSH-së po thellohet dhe pritet të bëhet publik së shpejti me të gjitha preventivat dhe pagesat e dyshimta. Deri atëherë, rasti i Kozeta Kurtit mbetet një nga shembujt më tipikë se si taksat e qytetarëve janë shpërdoruar për projekte që nuk sjellin asgjë në shërbim të publikut.
