Dështon sërish mbledhja e komisionit hetimor për koncesionet në shëndetësi. Kryetarja e këtij komisioni Albana Vokshi tha se shumica socialiste kërkon që të pengojë hetimin për koncesionet sepse sipas saj ka frikë.
“Edi Rama dhe anëtarët e PS në Komision nuk kanë ardhur, pasi kanë frikë nga ky Komision. Maxhoranca po shkel përditë ligjet dhe Kushtetutën.
Është kjo qeveri që ka frikë nga gjithçka, pasi ka abuzuar me pushtetin në 10 vite. Ne nuk kemi kohë për të humbur, hetimi duhet të nisë sa më parë”, u shpreh Vokshi.
Më tej, Vokshi njoftoi se mbledhja e radhës është vendosur për të martën dhe se janë përgatitur 48 kërkesa për informacion nga Kryeministria.
