Kreu i Partisë Demokratike Sali Berisha me anë të një postimi në rrjetet sociale ka uruar Ukrainën për 33-vjetorin e Pavarësisë.
Berisha thotë që pavarësia e Ukrainës ishte akti më i madh në historinë e gjatë të kombit të saj.
“Sot ky përvjetor gjen kombin e Ukrainës nën udhëheqjen e Presidentit Zelenski në një luftë dhe përballje me agresionin barbar rus të Vladimir Putinit. Mijëra bijë dhe bija të Ukrainës kanë luftuar dhe rënë heroikisht në fushë betejë për mbrojtjen e vendit të tyre, por dhe të mbarë europës nga pushtuesit rus!”, shprehet Berisha.
Lideri i opozitës në emër të Partisë demokratike shpreh urime për kombin ukrainas dhe për autoritetet e tij për festën e pavarësisë dhe fitore ndaj agresionit të Hitlerit të sotëm të Europës.
Më pas ai lë edhe mesazhin e Ambasadorit të Ukrainës në Republikën e Shqipërisë Z. Volodymyr Shkurov për urimin e pavarësisë së Ukrainës.
