Për të nxitur rritjen e sipërfaqeve të mbjella me grurë Qeveria shqiptare ka vendosur për herë të parë një fond në dispozicion.
Përmes kësaj mase, kultivuesit e grurit me sipërfaqe mbi nje hektare, që janë edhe prodhuesit kryesor që dalin në treg, do të përfitojnë një mbështetje prej 30 000 mijë lekë per ha. Por fermeret edhe pse kane nisur aplikimet ne Elbasan nuk duken shumë të kënaqur. Sipas tyre mbështetja nuk mjafton. Ata si njohës të mirë të fushës së bujqësisë thonë se i njohin më mirë shpenzimet që nevojiten.
“300 mijë lekë nuk mjaftojnë. Vetëm plehu kimik shkon aq lekë për dynym. Po ashtu edhe farat. Institutcion e gjykojnë vetë por ne si fermerë, e dimë më mirë se e ndjejmë mbi shpatulla.
Koston e prodhimit nuk e llogarisin fare ata. Të pakëtn të subvencionohej edhe nafta. Por me këtë 300 mijë leksh nuk mbulojmë dot shpenzimet e plehut”– u shprehën fermerët ndër të tjera.
Preni Bodurri në profesion agronom, sot fermer i bën një analizë të detajuar nismës së qeverisisë duke dhënë dhe argumenta se përse mbështetja financiare nuk mjafton.
Specialistja e statistikave në drejtorinë Rajonale të bujqësisë thotë interesi i fermerëve në Elbasan ka qënë i lartë ndaj fton të tjerët që janë ende skeptik të nxitojnë për të aplikuar.
Edhe pse qarku i Elbasanit nuk ka shumë sipërfaqe të përshtatshme për tu mbjellë grurë sërish fermerët nuk i kanë ndalur përpjekjet. Deri në fund të shtatorit ata kanë mundësi të aplikojnë pranë zyrave përkatëse.
