Kontrollet për evidentimin e veprimtarive kriminale në fushën e narkotikëve vazhdojnë në territorin shqiptar. Specialistët e Hetimit të Narkotikëve, në bashkëpunim me shërbimet e Forcës së Posaçme “Shqiponja”, kanë identifikuar në Shëngjin një shtetas të dyshuar për shitje lëndësh narkotike.
Gjatë kontrolleve, policia i gjeti këtij individi doza të lëndës së dyshuar narkotike kanabis. Më pas, një kontroll në banesën e tij rezultoi me zbulimin e një sasie tjetër lënde të dyshuar narkotike kanabis.
Pas përfundimit të veprimeve procedurale, është arrestuar në flagrancë shtetasi R. L., 26 vjeç, banues në Shëngjin, për veprën penale “Prodhimi dhe shitja e narkotikëve”. Të dhënat dhe materialet procedurale lidhur me këtë rast janë referuar Prokurorisë pranë Gjykatës së Shkallës së Parë të Juridiksionit të Përgjithshëm në Lezhë për veprime të mëtejshme.
