Durrësi ka pasur një natë të qetë gjatë ndërrimit të viteve, pa ndodhur incidente të rënda të rendit dhe sigurisë publike. Sipas burimeve nga policia, nuk janë raportuar ngjarje problematike, përveç një zjarri të dyshuar si aksidental që ndodhi në një market në lagjen nr. 8. Flakët u vunë nën kontroll falë intervenimit të shërbimit zjarrfikës, duke shmangur përhapjen e zjarrit dhe dëme më të mëdha materiale, pa raportime për persona të lënduar.
Situata më e ngarkuar ka qenë në urgjencën e Spitalit Rajonal të Durrësit, ku rreth 250 persona kërkuan ndihmë mjekësore gjatë natës. Burime spitalore tregojnë se pacientët kishin problematika të ndryshme shëndetësore, përfshirë dehje dhe komplikacione që kishin lidhje me konsumimin e tepruar të alkoolit dhe ushqimit gjatë festimeve. Raste të tjera përfshin probleme kardiake, kriza hipertensioni dhe çrregullime të diabetit, si dhe disa raste infarkti.
Mjekët e urgjencës kanë apeluar për kujdes të shtuar në lidhje me ushqimin dhe pijet edhe gjatë ditëve të para të vitit, për të shmangur komplikacione serioze shëndetësore.
Një ngjarje pozitive u shërua në mëngjesin e 1 janarit, kur u lind vajza e parë në maternitetin e Durrësit, duke sjellë një moment gëzimi në mesin e situatave të tjera.
