Një ngjarje e rëndë ka ndodhur pranë një stacioni në Milano, ku një i ri ukrainas ka sulmuar një të huaj nga Gambia, i dyshuar për vjedhjen e celularit të tij. Sipas policisë, pas ndjekjes, viktima ka pësuar goditje me grushte dhe këmbë, duke rënë pa ndjenja pranë stendës së taksive. Ngjarja është regjistruar nga kalimtarë, dhe disa video kanë ndihmuar hetuesit të rikonstruktojnë incidentin.
I lënduari është transportuar në spitalin Fatebenefratelli, ku aktualisht ndodhet në gjendje kritike dhe në rrezik për jetën. Ndërkohë, policia po vazhdon hetimet për të sqaruar të gjitha rrethanat e ngjarjes, ndërsa po identifikon një person të dytë, i cili u pa në video me helmetë dhe dyshohet të ketë marrë pjesë në sulm.
Hetimet janë aktive dhe autoritetet po punojnë për të zbardhur motivet dhe detajet e plota të incidentit.
