Një 18-vjeçare në Fier është transportuar në spital pasditen e sotme, pasi dyshohet se është vetëplagosur me armë zjarri. Ngjarja ndodhi në lagjen “Liri Gero”, rreth orës 17:30. E reja, identifikuar si A. G., ka marrë ndihmë mjekësore dhe sipas policisë, është jashtë rrezikut për jetën.
Aktualisht, ende nuk janë zbardhur rrethanat që e çuan adoleshenten në këtë akt. Policia ka shkuar në vendngjarje për të hetuar rastin dhe ka sekuestruar armën e zjarrit. Grupi hetimor është duke punuar për sqarimin e situatës dhe për dokumentimin ligjor të ngjarjes.
