Një muaj pas tragjedisë në Sarandë ku humbi jetën Antonio Delilaj vetëm 17-vjeç pasi e zuri poshtë ashensori, sot është arrestuar pronari i lokalit “Orange”.
Antonio nga fshati Qafë-Gjashtë kishte nisur punën ende në moshë të mitur për të ndihmuar familjen, por jeta iu pre në mes në mënyrë të tmerrshme. Teksa transportonte koli uji në ashensorin e lokalit u këput kavoja, duke e goditur fatalisht në kokë.
Policia e Sarandës vuri pranga teknikun që kishte montuar ashensorin e mallrave, Lulëzim Allkushi, i dyshuar për ”shkelje të rregullave të mbrojtjes në punë” që më pas u lirua dhe shpalli në kërkim pronarin e “Orange Club” Spiro Iljadhi, i cili u arrestua sot.
Më 20 qershor të vitit 2021, Spiro Iljadhi mbeti i plagosur afër lokalit të tij, pasi u qëllua me breshëri automatiku nga 3 persona, vëllezërit Andrea dhe Visi Caushi dhe shoku i tyre Redjan Hadëri.
