Një vajzë 11 vjeçe është dërguar me urgjencë në Spitalin e Traumës në Tiranës, pasi është rrëzuar nga kati i katër i shtëpisë ku banonte. E mitura ka arritur t’i mbijetojë rënies nga lartësia por ka marrë plagë të shumta.
Ngjarja e rëndë ka ndodhur afro dy orë më parë, në lagjen nr.1 në Sarandë. Grupi hetimor ndodhet në vendngjarje dhe po punon për sqarimin e plotë të rrethanave të saj.
“Sot, rreth orës 13:45, në lagjen nr. 1, Sarandë dyshohet se është rrëzuar aksidentalisht, nga kati i katërt i banesës, një shtetase e mitur 11-vjeçare, e cila do të transportohet në spitalin e Traumës, për ndihmë mjekësore”, njofton Policia.
