Mbrëmjen e djeshme është zhvilluar një operacion në Tiranë ku ranë në pranga 5 persona të cilët shpërndanin ekstazi në lokalet në zonën e Bllokut.
Gjatë gjithë ditës së sotme është raportuar në lidhje me rastin por lind pyetja se çfarë është ky mall i cili ka një vlerë monetare aq të lartë. Për 11 mijë dozat e sekuestruara nga operacioni mbrëmshëm vlera e saj arrin rreth 400 mijë euro. Po çfarë është ekstazia dhe rreziqet që sjell?
Ekstazia është një term që përdoret në gjuhën e rrugës për drogë-n methylenedioxymethamphetamine (MDMA). Është një tip stimuluesi që sjell efekte halucinogjene.
Drogat stimuluese shpejtojnë mesazhet midis trurit dhe trupit dhe mund të bëjnë që një person të ndihet më shumë syçelët, vigjilent, konfident ose energjik.
Edhe pse ekstazia përshkruhet si halucinogjen i butë, është gjë e rrallë që një person që përdor ekstazi të ketë halucinacion.
Ekstazia zakonisht është në formën e tabletave, në forma, madhësi dhe ngjyra të ndryshme. Shpesh tabletat janë të stampuara me logot dhe dizenjo nga kultura popullore.
Mënyra më e zakonshme e marrjes së ekstazisë është gëlltitja.
Efektet e ekstazisë mund të fillojnë të ndihen pas 20 minutash deri në 1 orë pas gëlltitjes dhe mund të zgjasin afërsisht 6 orë.
Disa nga efektet që mund të përjetohen pas marrjes së një doze të ulët të ekstazisë:
Rritje e konfidencës dhe energjisë
Shfrenim
Ndjenjë mirëqenieje
Ndjenjë e afërsisë me të tjerët
Empati
Ankth
Paranojë, agresion dhe psikozë
Kontroll i pakët i muskujve dhe pavendosmëri
Dhimbje dhe ngërç muskujsh
Rritje e presionit të gjakut dhe ritmit të zemrës
Përzierje
Humbje oreksi
Rritje e temperaturës së trupit
Djersitje
Kruarje lëkure
Irritim fëminor
Rritje ndjeshmërie (shikim, dëgjim, prekje)
Shtrëngim nofullash
Kërcitje dhëmbësh
Një dozë e lartë e ekstazisë mund të shkaktojë:
Ndjenja të luhatshme
Të vjella
Temperaturë të lartë trupore
Presion të lartë gjaku
Rrahje të forta zemre
Halucinacion
Sjellje iracionale ose bizarre
Konvulsion
Ekstazia është e lidhur me disa vdekje të shkaktuara nga ataku në zemër dhe hemorragji cerebrale.
Njerëzit me presion të lartë të gjakut, probleme me zemrën ose mëlçinë, diabet, epilepsi ose ndonjë çrregullim mendor janë më të prekshëm nga rreziqet e mundshme të ekstazisë.
Një pjesë e rrezikut është se njerëzit mund të mos jenë të vetëdijshëm se i kanë këto probleme shëndetësore dhe efektet e ekstazisë mund të shkaktojnë simptoma.
Ashtu si me të gjitha drogat ilegale, pastërtia dhe forca e ekstazisë nuk mund të matet kurrë. Marrja e saj hap një mister të tërë të tërë të përdorimit dhe efekteve.
