Shkroi: Jane Doe
Nuk kam parë ndonjëherë CEO të ndonjë televizioni publik në rajon apo në Europë, të dalë dhe të flasë për arritjet e entit publik në rrjetin që dirigjon vetë. Është absurde në opinionin tim, pa thënë qesharake dhe groteske.
Sa herë bëhem të bëj ndonjë ditë pushim, më del gjithnjë diçka para syve që më shton pështjellimin (në subkonshin tim do doja të ishte një pështjellim letrar).
Por ja ku shfaqesh sërish ti, si Hutin, që më prish metabolizmin me arritjet galaktike të RTSH 24-ës në epokën digjitale. Spazma, herpes, konvulsione të forta e të pakontrollueshme!
Figura jote në ekran është gjëja më e shëmtuar që mund të shohë njeriu më 1 maj, në këtë ditë feste, sublime për punëtorët e vërtetë e të ndershëm. Çfarë kusuri kanë taksapaguesit të shohin portretin tënd në ekran?
Çfarë broçkullit nëpër intervista si me qenë Donald Trump-i të varfërve?… prapë me këtë fjalinë ta kthejmë aty ku ishte? Do e bëjmë të madhe? Kë do bësh të madhe? Amerikën?
Nëse mendon që të ecësh me parimet editoriale të EBU-së do të të bëjë një kanal informativ të sukesshëm, gabohesh! EBU nuk të bën të suksesshëm! Studiot e reja nuk të bëjnë të adhuruar në publik! Ndriçimi dhe teknologjia nuk mjaftojnë që të thyesh rekordet e shikueshmërisë, siç ti ëndërron. Çfarë janë këto pallavra Alfredo? Ti mendon se njerëzit janë avdallë dhe nuk dinë të dallojnë një TV cilësor nga një tjetër?
Si pretendon të bëhesh TV më i ndjekur nr.1? Çfarë strategjie ke, apo e ke sekret? Se nuk ka asgjë konkrete në atë që thua përveç disa fjalive qorre që ke 1 vit që i përsërit…
Me kë do e realizosh këtë ëndërr mashtruese? Ti thua “me stafin më të mirë në botë”… Ha ha ha! Seriozisht, Alfredo? Stafin më të mirë në botë ti e nxorre me zarf të zi, nga shtëpia më e pafamshme në Shqipëri. Nëse këta që ti quan më të mirët në botë janë aty sepse të shtrojnë gjuhën e tyre si tapet, atëherë s’ke faj! Gjithsecili ka kriteret e veta.
Stafi yt më i mirë në botë Alfredo është i paligjshëm! I paaftë! I pakolauduar për nga eksperienca! I neveritshëm! Si TY!
Televizionet, aspak i dashur Alfredo, marrin gjithnjë fytyrën e atij që i dirigjon. Dhe sot, RTSH-ja vjen erë sunduk!
Ti mund të veshësh rroba të reja, por “la classe non è acqua” thonë italianët. Mjekra e rritur nuk të bën më shumë burrë dhe atletet e reja nuk të ulin me këmbë në tokë. Ke hipur aq lart sa ke filluar të mendosh se je zog dhe mund të përmjerësh mbi të gjithë.
Dëgjova se do fryjë një erë e fortë Alfredo! Do të të mbërthejë pas një shkëmbi në asgjëkund, ku do të ta hanë mëlçinë shqiponjat, siç ia hëngrën Prometeut. Nimfat oqeanide që sot thurin vargje dashurue për ty do të të braktisin! Edhe Havana (dëgjova se do bëjë stomakun në Turqi se i është hapur shumë).
Do mbetesh vetëm Alfredo! Gjithçka që ti solle për njerëzimin, do tretet në eter.
Por ti s’je Prometeu! Dhe kur mankthi të mbarojë, do kthehesh në insekt, si Gregor Zamza. Uroj ta kesh lexuar Kafkën! Do mësosh shumë prej tij!
P.S.: Gëzuar 1 Majin! Rrofshin ata të vërtetët!
Vijon…
